TAMWA ZANZIBAR WATOA MBINU ZA KUPAMBANA NA VURUGU KATIKA KAMPENI

Imenadikwa na Tatu Juma - Zanzibar 

Chama cha Wandishi wa Habari Wanawake Tanzania (TAMWA-ZANZIBAR) chawapa funzo waandishi wa Habari juu ta mbinu za kupambana na vurugu kwa wanawake katika kugombania nafasi mbali mbali za uongozi kuelekea uchaguzi mkuu oktoba 2025.

Akizungumza na wandishi wa habar Mkurugenz wa chama hicho  Dokta Mzuri Issa, katika ofisi za TAMWA-ZANZIBAR mkoa wa kusini unguja,amesema kuwa ipo haja ya wanawake kuwa mstari wa mbele kwa  kuwania nafasi katika uchaguzi wa mwaka huu  ili kuleta maendeleo na mabadiliko katika jamii.

Akieleza kuwa katiba ya jamuhuri ya muungano ya mwaka 2024 kifungu namba 10 imempa nafasi ya kipekee mwanamke  kushiriki katika siasa na kumlinda dhidi ya vitendo vya udhalilishaji na kuimarisha haki na usawa kwa pande zote.

Na kwa upande wake mhadhiri kutoka chuo kikuu cha dar es salam Dkt William John,amefahamisha kuwa suala la kujiamin, kijilinda,na kujithamini  ni muhimu sana kwa mwanamke ili kuepuka vitendo vya udhalilishaji hususa kwa wagombea na wasimamizi wa uchaguzi.

Hata hivyo ,wadau na wanaharakati katika masuala ya kijamii wakisititiza kuepuka vurugu katika uchaguzi huo na kuwa na umoja na mshikamano  ili kuimarisha amani na utulivu katika jamii.

 Wanawake wanaweza kuleta mabadiliko ya haraka iwapo watasimama na kijidhatiti katika kugombania nyadhifa tofauti bila ya kuyumbishwa , kukatishwa tamaa na kuleta mafanikio makubwa nchini.